लेखनाथ, ११ मंसिर । पोखरा महानगरपालिका वडा नं. २७ ले वडाभित्रका गरिब एवं विपन्न परिवारलाई न्याने कपडा वितरण गरेको छ । वडाको समन्वय एवं डा. नेत्र आचार्यको सहयोगमा रिठेपानीमा वडाका नागरिकहरुलाई ६० थान ज्याकेट निशुल्क वितरण गरिएको हो ।
जाडोको समयमा न्यानो कपडाको अभावले कुनै पनि नागरीकले कष्टकर अवस्था भोग्नु नपरोस भन्ने उद्धेश्यले न्यानो कपडा वितरण गरिएको वडाध्यक्ष पुर्ण कुमार गुरुङले जानकारी दिए ।
कार्यक्रममा डा. नेत्र आचार्यले जाडोको समयमा न्यानो सहयोग गर्ने अवसरका लागी वडा परिवारलाई आभर व्यक्त गर्दै आगामी दिनहरुमा पनि यसलाई निरन्तरता दिने प्रतिवद्धता व्यक्त गरेका थिए ।
कार्यक्रममा वडा सदस्यहरु जितेन्द्र बहादुर क्षेत्री, लक्ष्मी वि.क, सूर्य बहादुर वाग्ले लगायतको उपस्थिति रहेको थियो ।
Discussion about this post