सनराईज क्लवको सहयोग

लेखनाथ,१ चैत्र ।

पोखरा २६ को अर्घौमा रहेको सनराईज क्लवले आफनो १४ औ स्थापना दिवसको अवसरमा श्रीकृष्ण प्रणामी मन्दिर बृद्ध तथा बाल आश्रमलाई सहयोग गरेको छ ।

क्लवले सामाजिक क्षेत्रमा गर्दै आएका कामहरुलाई निरन्तरता दिदै यस वर्षको बार्षिक कार्यक्रम अन्तरगत पोखरा २७ को सहेला पाखामा रहेको श्रीकृष्ण प्रणामी मन्दिर बृद्ध तथा बाल आश्रमका लागि खाद्यन्न तथा फलफुल प्रदान गरेको हो ।

आश्रममा वसोवार गर्दै आएका बृद्ध तथा बालबालिकाको लागि आवस्यक पर्ने खाद्यय सामाग्री हस्तान्त्रण गर्दै क्लवका अध्यक्ष डुल प्रसाद पुनले सामाजिक उत्तरदाईत्व अन्तगत क्लवले रत्तदान,सरसफाई,सडक बत्ति लगाएतका जनचेतना मुलक कार्यक्रम गर्दै आएको बताएका थिए ।

क्लवका पदाधिकारी सहितको टोलीले आश्रमका संरक्षक कल्याण कुमार कार्कीलाई उक्त सामाग्री सामुहिक रुपमा हस्तान्त्रण गरेका हुन् । आश्रममा नियमीत रुपमा पाँच जना बालवालिका र नौं जना बृद्धबृद्धाहरु वस्दै आएका छन् ।

क्लवका अध्यक्ष डुल प्रसाद पुनको अध्यक्षतामा भएको कार्यक्रममा उपाध्यक्ष सुर्य न्यौपाने र निवर्तमान अध्यक्ष राज बहादुर गुरुङले सामाजिक क्षेत्रमा क्लवले गर्दै आएका काम र भविस्यमा गरिने कामका बारेमा पनि जानकारी गराएका थिए ।