लेखनाथ, २४ माघ ।
लेखनाथ जेसीजका पदाधिकारीहरुलाई आ–आफ्ना पदिय जिम्मेवारी, काम, कर्तव्य, अधिकार र दायीत्व बोध गराउने उद्देश्यले शाखा पदाधिकारी तालिम सम्पन्न भएको छ ।
कार्यक्रममा लेखनाथ जेसीजका जेसीज वर्ष २०१० का अध्यक्ष श्री ऋषिराम जमरकट्टेलले प्रमुख प्रशिक्षकको भूमिका निर्वाह गरि सहजीकरण गरेका थिए भने लेखनाथ जेसीज बर्ष २०१९ का अध्यक्ष जेसी रोशन अधिकारीले सहायक प्रशिक्षकको भुमीका निवार्ह गरेका थिए ।
लेखनाथ जेसीज वर्ष २०२२ का कार्यसमिति सदस्यहरु र क्रियाशिल सदस्यहरुको उपस्थितीमा सम्पन्न तालिममा लेखनाथ जेसीजका बर्ष २०२२ का प्रोमोसन अफिसर जेसी संघर्ष सापकोटाले उत्कृष्ट सहभागिताको अवार्ड प्राप्त गर्न सफल भएका थिए ।
वर्ष २०२२ का अध्यक्ष जेसी सुजन न्यौपानेको सभापतित्वमा सम्पन्न कार्यक्रममा लेखनाथ जेसीजका पूर्व अध्यक्ष जेसी अजुन ओझा र पूर्व अध्यक्ष जेसी चिरञ्जीवी न्यौपानेले शुभकामना मन्तब्य व्यक्त गरेका थिए ।
संस्थाका अध्यक्ष जेसी सुजन न्यौपानेको सभापतित्वमा सम्पन्न कार्यक्रममा कार्यक्रम संयोजक लेखनाथ जेसीजका ब्यक्तिगत बिकास क्षेत्रका उपाध्यक्ष जेसी सुजन तिमिल्सिनाले स्वागत गरेका थिए भने कार्यक्रमको सञ्चालन वर्ष २०२२ का महासचिव जेसी कृष्ण तिवारीले गरेका थिए ।
Discussion about this post