मंसिर २७, लेखनाथ ।
पोखरा महानगरपालिका वडा नं. २९ र ३० मा रहेको नौबिसे दुग्ध उत्पादन सहकारी संस्था लिमिटेडको १५औं बार्षिक साधारण सभा तथा ७ औं अधिवेशनले आगामी कार्यकालको लागि सरज्यू अधिकारीको अध्यक्षतामा नयाँ कार्यसमिति चयन गरेको छ ।
संस्थाको उपाध्यक्षमा किरणराज भण्डारी तथा सन्जयबाबु भट्टराई, दुर्गा देवी अधिकारी र पूष्पराज चापागाई क्रमश सचिव, सह—सचिव तथा कोषाध्यक्षमा निर्वाचित भएका छन् ।
साधारण सभा तथा अधिवेशनको उद्घाटन गर्दै पोखरा महानगरपालिका वडा नं. २९ का वडा अध्यक्ष चेतबहादुर गुरुङ्गले सहकारीले गर्दै आईरहेका कार्यको प्रशंसा गर्दै उत्पादनमुखी योजनाहरुमा वडाको तर्फबाट सक्दो सहयोग गर्ने प्रतिवद्धता व्यक्त गरेका थिए ।
अधिवेशनले संस्थाको सदस्यहरुमा वलराम अधिकारी, भवानीप्रसाद ढकाल, शान्ता पौडेल, पार्वती सिग्देल, माया भारती र दिपेन्द्र सापकोटा लाई चयन गरेको छ ।
यस्तै लेखा समितिको संयोजकमा शक्ति वल्लभ ढकाल रहेका छन् भने सदस्यहरुमा चन्द्रकान्त देवकोटा र अजुर्न आर्चाय चयन भएका छन् । दुग्ध संकलन उपसमितिको संयोजकमा भवानी ढकाल रहेका छन् भने सदस्यहरुमा विक्रम वसौला र शान्ती सुबेदी चयन भएका छन् ।
ऋण समितिको संयोजकमा वलराम अधिकारी रहेका छन् भने शिक्षा समितिको संयोजकमा शान्ता पौडेल र सदस्यहरुमा क्रमश श्याम अधिकारी र राजन राई चयन भएको निर्वाचन संयोजक राजेश्वर शर्माले जानकारी दिएका छन् । कार्यक्रममा विभिन्न विधामा कृषकलाई पुरस्कार समेत वितरण गरिएको थियो ।
संस्थाका अध्यक्ष बाबुराम ढकालको सभापतित्व सम्पन्न कार्यक्रमको संचालन संस्थाका सचिव सन्जयबाबु भट्टराईले गरेका थिए ।
Discussion about this post