रामशरण नेपाली
असार २८, लेखनाथ । पोखरा महानगरपालिका वडा नं. २८, ३० र ३१ मा पर्ने मैदीतालमा बनाईएको बाँधका कारण पानीको निकासमा अवरोध भई तालको उत्तरी तटीय क्षेत्रका किसानहरुको धान खेत डुवानमा परेपछि प्रभावित किसानहरु आन्दोलीत भएका छन ।
डुबानमा परेको धानबालीको क्षतिपुर्ति पाउनुपर्ने र पानीको निकासलाई सहज बनाउनु पर्ने माग राख्दै किसानहरु आन्दोलीत भएका हुन । प्रभावित किसानहरुले धानबालिको क्षतिपुर्ति उपलब्ध गराउन र यथाशिघ्र पानी घटाउन अनुरोध गर्दै यहि असार २१ गते मैदी तालक्षेत्र संरक्षण तथा विकास समाज समक्ष निवेदन दिएका थिए ।
गत सालदेखी नै धान बाली डुबानमा पर्दै आएको र समाधानका लागि विनम्रतापपुर्वक अनुरोध गर्दा पनि ताल समितिले वेवास्ता गर्दै आएको र यस वर्ष पनि समस्या समाधानको लागि समितिले तत्परता नदेखाएपछि मैदी खेत संरक्षण समिति गठन गरी माग पुरा गर्नको लागि दवाव दिईएको सचिव सोमराज त्रिपाठीले वताए ।
यता मैदी तालक्षेत्र संरक्षण तथा विकास समाजका अध्यक्ष भरतराज न्यौपानेले किसानहरुलाई असर पुर्याउने उदेश्यले कुनै कार्य नगरिएको र प्राविधिक कारण र अत्याधिक वर्षातका कारण पानीको सतह वढ्न गई किसानहरुको धान खेत डुवानमा परेको वताए ।
उनले आगामी हिउँदमा तालको पानिको सतह घटाईने र किसानहरुलाई क्षतिपुर्ति दिलाउने विषयमा सम्बन्धीत निकायमा पहल गर्ने वताएका छन।
२०६९ साल जेठ २ गते तत्कालीन लेखनाथ नगरपालिकाका कानुनी अधिकृत राममणी अधिकारीको रोहवरमा ताल समिति र किसानहरुविच सम्झौता भएको थियो । सम्झौताको अक्षरस पालना गरिनुपर्ने पनी किसानहरुले माग गरेका छन ।
सम्झौतामा पानीको वहावलाई नरोकिने गरी खोलालाई सफा गरी माटोको ठुलो आँठो लगाउने, पानीको सतह नवढ्ने गरी कार्य सञ्चालन गर्ने, किसानहरुको खेतीबालीमा असर नपर्ने गरी कार्य गर्ने, ठुलो आँठो भन्दा बाहिर बफर जोन कायम नर्गर्ने, पानीको सतह वढ्न गई किसानहरुलाई असर पुगे नगरपालिकाले क्षतिपुर्ति प्रदान गर्ने लगायतका बुँदा रहेका छन ।
सोमबार तालको बाँध क्षेत्रमा प्रभावित किसान र ताल समितिविच भएको छलफल कार्यक्रममा वडा नं. २८ का वडाध्यक्ष निर्मल दियालीले ताल समिति र किसानहरु दुवै पक्ष मिलेर संयुक्त कार्यदल बनाएर समस्या समाधान गर्न सुझाव दिएका थिए ।
छलफलले समस्या समाधानको लागी दुवै तर्फबाट ३/३ जना रहने गरि ६ सदस्यीय कार्यदल समेत गठन गरेको छ । कार्यदलमा ताल समितिको तर्फबाट भरतराज न्यौपाने, ऋषि त्रिपाठी, दुर्गादत्त अधिकारी र किसानहरुको तर्फबाट किर्तिबल्लभ त्रिपाठी, सोमराज त्रिपाठी, सुशील त्रिपाठी रहेका छन ।
Discussion about this post