पोखरा ११जेठ ।
कोरोना संक्रमणका कारण निधन भएका पत्रकार जगन्नाथ पौडेल (गणेश) को स्मृतिमा श्रद्धाञ्जली सभा आयोजना गरिएको छ ।
पौडेलको निधन भएको १३औं दिनको पूण्य तिथिका दिन नेपाल पत्रकार महासंघ कास्कीले श्रद्धाञ्जली सभा आयोजना गरेको हो ।
श्रद्धाञ्जली सभामा अग्रजपत्रकार एवं पत्रकारका नेताहरुले गणेश पौडेल अत्यन्तै मिलनसार र सहहृदयी मित्र भएको भन्दै स्मरण गरे ।
उनीहरुले शुत्रलाई पनि मित्रवत व्यवहार गर्ने पौडेलको निधनले पत्रकारिता जगतमा अपूरणीय क्षति पुगेको बताए ।
नेपाल पत्रकार महासंघका केन्द्रीय सदस्य सरिता पगेनी तिमिल्सिनाले पत्रकार गणेश पौडेलका परिवारका सदस्यलाई रोजगारीमा लगाउन महासंघले पहल गर्नु पर्नेमा जोड दिंदै आफूले पनि यस्ता कार्यमा सघाउने प्रतिवद्धता जनाइन् ।
नेपाल पत्रकार महासंघ गण्डकी प्रदेशका महासचिव गोविन्द सुवेदीले कोभिडको बहानामा कुनै पनि मिडिया हाउसले पत्रकार निष्काश गर्न नहुने भन्दै यस्तो गरेको पाइएमा पत्रकार महासंघ चुप लागेर नबस्ने चेतावनी दिए ।
पत्रकार महासंघ कास्कीका अध्यक्ष बिमला भण्डारीले टेलिभिजन पत्रकारिता जगतमा उदाउँदो व्यक्तित्व पौडेलको निधनले कहीं न कही अभाव महसूस हुने बताइन् ।
उनले पौडेलको परिवारजन लाई आवश्यक परेको सहयोग गर्न महासंघ प्रतिवद्ध रहेको स्पष्ट पारिन् ।
महासंघ प्रत्येक पत्रकारको साथमै रहेको र हरेक दुःखमा साथ दिने भन्दै अध्यक्ष भण्डारीले कोभिड खोप लगाउन बाँकी रहेका पत्रकारलाई तत्काल खोपको व्यवस्थागर्न माग गरिन् ।
साथै उनले कोरोना महामारीमाअत्यन्तै जिम्मेवार र सजग भएर खटिन आग्रह गरिन् ।
महासंघका पूर्व अध्यक्ष नारायण कार्कीले सहयोद्धा पौडेलको निधनले सिंगो पत्रकार जगत स्तव्ध भएको भन्दै उनलाई बिर्सन निकै गाह्रो पर्ने बताए । कोरोनाको दोश्रो लहर निकै खतरनाक र घातक रहेको भन्दै कार्कीले जोगिएर काम गर्न आग्रह गरे ।
उनले कोरोना संक्रमणले छोइ हालेमा कत्ति पनि नआत्तिन, पोषिलो, झोलिलो पद्धार्थ खान र पुदिनाको पात धेरै भन्दा धेरै प्रयोग गर्न पनि आग्रह गरे । कोभिड भएका व्यक्तिले खानेकुरामा नै धेरै भन्दा धेरै ध्यान दिनु पर्नेमा कार्कीले जोड दिए ।
नेपाल प्रेस युनियन कास्कीका अध्यक्ष नवीन सिग्देल, प्रेस संगठनका अध्यक्ष सन्देश श्रेष्ठ, पत्रकार अपिल त्रिपाठी, महासंघका सचिव माधव बरालले गणेश पौडेलको निधनले सिंगो पत्रकारिता जगत नै स्तव्ध भएको बताए ।
महासंघका अध्यक्ष बिमला भण्डारीको अध्यक्षतामा कार्यक्रमभएको थियो ।
पोखरा स्थित गण्डकी टेलिभिजनमा कार्यरत पत्रकार पौडेलको वैशाख ३० गते निधन भएको थियो । पोखरा ३३, बागमारा निवासी ४० वर्षीय पौडेल डेढ दशक अघिदेखि पत्रकारितामा सक्रिय थिए । उनकाश्रीमती र दुई छोरा छन् ।
देशभर १६ जनापत्रकारको निधन
नेपालमाकोरोना भाइरस संक्रमणका कारण हालसम्म १६ जना पत्रकारको निधन भएको छ । यस्तै, ८५० जना पत्रकार संक्रमित भएको महासंघका केन्द्रीय सदस्य सरिता पगेनी तिमिल्सिनाले जानकारी दिइन् ।
उनले पत्रकार महासंघले कोरोना संक्रमणबाट निधन भएका प्रत्येक पत्रकारका परिवारलाई ३० हजार रुपैयाँ उपलव्ध गराउने निर्णय भएको जानकारी दिइन् ।
यस्तै, गण्डकीमा कोरोना संक्रमणका कारण दुई जना पत्रकारको निधन भएको छ । गण्डकीमा हालसम्म १०९ जना पत्रकार संक्रमित भएको र अधिकांशनिको भइसकेको महासंघ गण्डकीका महासचिव गोविन्द सुवेदीले जानकारी दिए ।
उनका अनुसार संक्रमित मध्ये हाल सातजना सक्रिय अवस्थामा छन् ।उनीहरु होमआइसोलेशनमै रहेका छन् ।
Discussion about this post