लेखनाथ, ५ वैशाख ।
पोखरा विश्वविद्यालयको रजिष्ट्रारमा दिपक वहादुर भण्डारी नियुक्त भएका छन ।
हालसम्म रिक्त रहेको पदमा विश्वविद्यालयका उपकुलपती प्रा. डा. प्रेम नारायण अर्यालयको सिफारिशमा कुलपती प्रधानमन्त्री केपी शर्मा ओलीवाट ४ वर्षका लागी रजिष्ट्रारमा नियुक्त गरिएको हो ।
यस अघि समेत करिव ९ महिना रजिष्ट्रार वनिसकेका भण्डारी विगत १२ वर्ष देखी पोखरा विश्वविद्यालयमा उप प्राध्यापकको रुपमा कार्यरत थिए ।
लमजुङको वेसीशहर स्थायी घर भएका भण्डारीले यु के वाट पिएचडी गरेका हुन । करिव ५ महिना देखी काम चलाउ रुपमा रजिष्ट्रार हुँदा वजेट लगायत काम कारवाही गर्न गाह्रो भएको र अव सहज हुने उपकुलपती अर्यालले जानकारी दिए ।
रजिष्ट्रार नियुक्ती भए सँगै अन्य रिक्त रहेका पदहरुमा समेत छिटो नियुक्त गर्नु पर्नेमा प्राध्यापक कर्मचारी तथा विद्यार्थीहरुले जोड दिएका छन् ।
Discussion about this post