उदयपुर । उदयपुरको कटारी नगरपालिका ८ मर्जेतपुर स्थित सौर्य सिमेन्ट उद्योगको चुनढुंगा खानीमा विहिबार राति शक्तिशाली बम विस्फोट हुदा ५ जना व्यक्ति घाईते भएका छन् । अज्ञात समूहले सौर्य सिमेन्ट उद्योगको चुनढुंगा खानीमा ४ वटा शक्तिशाली बम विस्फोट गराएको ईलाका प्रहरी कार्यलय कटारीले जानकारी दिएको छ ।
घाईते हुनेमा दुर्गा बहादुर तामांग, बिष्णु बहादुर मगर, शिब शंकर मोक्तांन, सागर मोक्तांन र नबीन मगर रहेका छन् । घाइतेहरुको उपचार कटारी अस्पतालमा भैरहेको छ । साथै उनिहरुको स्वास्थ्य अवस्था समान्य रहेको प्रहरी प्रमुख डिसपी हेमन्त भण्डारी क्षेत्रीले जानकारी दिनुभयो ।
यस्तै बम विस्फोटले एउटा स्काईभेटर क्षति पुगेको छ भने मोटर सौर्य सीमेंटको कर्मचारीको एउटा साइकल समेत जलाएको प्रहरी स्रोतले जानकारी दिएको छ। । स्थानीयलाई उध्रित गर्दै ४ वटा बम विस्फोटको आवाज आएको प्रहरीले जनाएको छ ।
घटनाको बारेमा सुचना आएपश्चात कटारीका प्रहरी टोली घटनास्थलमा पुगेको थियो । घटनामा कुन कुन व्यक्तिहरुको संङ्लग्नता रहेको छ भनि अझ नखुलेको प्रहरीले बताएको छ ।यस अघि पनि सौर्य सिमेन्टको ट्यांकर र स्काभेटरमा अज्ञात समूहले आगजानी गरेको थियो ।
Discussion about this post