काठमाडौं । नेपालमा कोरोना संक्रमणबाट मुक्त हुनेहरुको हालसम्म १ लाख २१ हजार ८ सय २४ जना पुगेको स्वास्थ्य तथा जनसंख्या मन्त्रालयले जनाएको छ ।
नियमित कोभिड १९ प्रेस व्रिफिन मा बोल्दै मन्त्रायलका प्रवक्ता प्रा.डो जागेश्वर गौतमले बुधबार मात्र २ हजार ९ सय ८१ जना कोरोना मुक्त भएको जानकारी दिनुभयो । यस्तै कोरोना भाइरसबाट बुधबार थप १ हजार ९ सय ५४ जना संक्रमित भएका छन् ।
योसंगै नेपालमा हालसम्म कोरोना भाइरसबाट संक्रमित हुनेको कुल संख्या १ लाख ६२ हजार ३ सय ५४ पुगेको स्वास्थ्य तथा जनसंख्या मन्त्रालयका प्रवक्ता प्रा। डा। जागेश्वर गौतमले जानकारी दिनुभयो ।
बुधबार देशभरिका अस्पताल, संस्थागत आइसोलेसन तथा होम आईसोलेसनमा गरी जम्मा ३९ हजार ६ सय ४३ जना कोरोना भाइरसका सक्रिय संक्रमित रहेको प्रवक्ता डा। गौतमले जानकारी दिनुभयो ।
यसैगरी कोरोना भाइरसबाट आज थप ११ जनाको मृत्यु भएको छ । यो संगै नेपालमा हाल सम्म ८ सय ८७ जनाले कोरोना संक्रमणका कारण ज्यान गुमाईसकेको स्वास्थ्य तथा जनसंख्या मन्त्रालयले जनाएको छ ।
Discussion about this post